?

Log in

No account? Create an account
Экология Беларуси - актуально
 
Нездарма Беларусь называюць краем блакітных азёраў. Усяго ў краіне каля 11 тысяч азёраў. Найбольш густа яны рассеяны па ўсёй Віцебшчыне і па паўночна-заходняй частцы Менскай вобласці.
Вельмі шмат азёраў цягнецца па Віцебшчыне, пачынаючы з Лепельскага раёна і заканчваючы вядомымі Браслаўскімі азёрамі. Гэты край называюць Паазер’ем.Як кажа вядомы азёразнаўца і географ, а зараз уладальнік аграсядзібы Скрабатуны на Глыбоччыне Аляксей Серафімовіч, у сваім жыцці ён шмат часу аддаў на экспедыцыі па вывучэнні азёраў Беларусі, у прыватнасці Віцебшчыны, дзе зараз і пасяліўся.
Па яго словах, ён бачыў вельмі шмат прыгожых, чыстых азёраў, але зараз яму падабаецца больш за астатнія, як ён кажа, сваё – Вялікі Супонец. Ад якога, дарэчы, у захапленні быў і Васіль Быкаў.
Кажа Аляксей Серафімо... Болей...
Сёлета стартаваў супольны праект грамадскай арганізацыі «Ахова птушак Бацькаўшчыны» і Франкфурдскага заалагічнага таварыства для захавання Палесся.
Пра гэта размаўляем з сэрам Джонам Лотанам, кіраўніком кембрыджскай камісіі па захаванні ландшафтаў, якія знаходзяцца пад пагрозай. Менавіта гэтая камісія прымала рашэнне аб вылучэнні сродкаў на Палескі праект.– Наколькі важны Палескі рэгіён для Еўропы?– Палессе – гэта адное з апошніх дзікіх месцаў у Еўропе. Я не думаю, што людзі разумеюць гэта. Беларусы звыкліся да таго, што гэтая мясцовасць увесь час побач. Яны не ўсведамляюць, наколькі гэта каштоўная тэрыторыя. Палессе – адное з месцаў дзікае прыроды, дзе засталіся мядзведзі, ваўкі, велізарная колькасць вельмі важных відаў, журавы, арлы ды іншыя птушкі. ... Болей...
Грамадскі актывіст Яўген Дудкін правёў з жыхарамі гараденскага мікрараёна Альшанка сустрэчу ў Цэнтры гарадскога жыцця.Па словах актывіста, у жыхароў самага заселенага і вялікага мікрараёна Гародні – шмат праблемаў, з якімі яны сутыкаюцца штодзень:
– На сённяшні дзень жыхароў Альшанкі найперш хвалюе экалагічная тэма – паркаў, сквераў. Таму што ёсць пабудаваныя дамы, ёсць новыя крамы, шмат будынкаў быту, іншыя маленькія крамы. Але ёсць пытанне парку, дзе могуць людзі прыйсці адпачыць з дзецьмі. Вось гэта першая тэма.Адзін з жыхароў Альшанкі Павел заўважае, што жыхары сутыкаюцца з тым, што няма дзе ў мікрараёне займацца спортам.
– Такая праблема, што не хапае нейкіх турнікоў, спортпляцовак, дзе можна прыйсці і заняцца спортам. На ўсю Альшанку бачыў толькі ў трох месц... Болей...
На днях у адкрытым доступе з’явіўся адказ Міністэрства лясной гаспадаркі Савету міністраў, у якім Мінлясгас просіць уключыць рысь у спіс паляўнічых відаў.Грамадская арганізацыя «Ахова птушак Бацькаўшчыны» выступіла ў абарону рысі еўрапейскай. Распавядае кіраўнік АПБ Аляксандр Вінчэўскі:
– Пытанне гэтае не новае, па ўключэнні рысі ў паляўнічыя віды і выключэнне з Чырвонай кнігі. Узнімалася яно і 10 гадоў таму. Справа датычыць не толькі рысі, але і мядзведзя, і барсука. Паляўнічыя хочуць страляць гэтыя тры віды жывёл, якія сёння ўключаны ў Чырвоную кнігу. У 80-х гадах у нас папуляцыя рысі ацэньвалася ў 400 асобін. У 2001-ы – 200 асобін. У 2015-ы – 850. На сёння колькі рысяў дакладна невядома.Пакуль сітуацыя супакоена да вызначэння велічыні папуляцыі рысі ... Болей...
Могілкі 18-га стагоддзя ў вёсцы Дзяніскі, што ў гміне Бельск Падляшскі, патанаюць у смецці.Вакол могілак кучы смецця, якое сабралася цягам гадоў. Хто вывозіць смецце на могілкі высветліць нялёгка, але па яго колькасці бачна, што робіць гэта не адзін чалавек.
– Ёсць у людзей сметнікі, а чаму вывозяць я не ведаю. Няма культуры ў людзей. Ёсць сметнікі, а вывозяць сюды. – Гміна павінна рэагаваць, яна павінна запэўніць людзям месца, дзе яны маглі б выкінуць. – Павінна быць магчымасць прынамсі раз на тры месяцы выставіць рэчы, якія непатрэбныя.На старых могілках у Дзянісках захавалася больш за дзесяць каменных помнікаў, большая частка стаіць, некаторыя паваліліся. Апошняе пахаванне на могілках адбылося ў 1952 годзе.Валянціна Лаеўская, Беларускае Радыё Рацыя Болей...
Да 30-ці тысяч праглядаў набіраюць стрымы ў сацыяльных сетках, якія вядуцца з плошчы ў Берасці. Пра гэта паведаміла жыхарка Берасця, удзельніца акцый супраць будаўніцтва акумулятарнага заводу Кацярына Белая.Такім спосабам штотыднёвай онлайн-камунікацыі яна выказвае сваю нязгоду з будаўніцтвам акумулятарнага заводу паблізу гораду і дае магчымасць пабачыць аб’ектыўную рэальнасць у прамым эфіры іншым людзям:
– Некаторыя стрымы глядзелі да 30 тысяч чалавек. У мяне няма ніякага YouTube-канала – гэта толькі са сваёй асабістай старонкі ў Фэйсбуку. Людзі сталі глядзець гэтыя стрымы і дзякуючы рэпостам гэта праблема стала пазнавацца далей і болей, яна выйшла за межы Берасця. Больш за тое, інтэрнэт гэта ж такое, напрыклад, „Народнага рэпарцёра” глядзелі ў асноўным нашы... Болей...
Старшыня Берасцейскага аблвыканкаму Анатоль Ліс запатрабаваў ад акумулятарнага заводу АйПаўэр вярнуць грошы ў інавацыйны фонд.
Гэта вынікае з прэс-канферэнцыі для выбраных СМІ, якая адбылася 22 жніўня ў будынку выканаўчага камітэту.Гэты сігнал ад кіраўніка вобласці пракаментаваў прадстаўнік ініцыятыўнай групы праціўнікаў акумулятарнага заводу АйПаўэр, берасцейскі праваабронца Раман Кісляк:
– Нікога не паклікалі, мы не ведалі нават, гэта была нечаканасць. Не паклікалі ні тутбай, ні белапан, ні „Брэсцкую газету”. Адпаведна і Радыё Рацыя, і Белсат. На сайце аблвыканкама ёсць спасылка на газету”Заря” і белтэлерадыёкампанію. Самога распараджэння мы не бачылі. Месяц таму было прынята рашэнне ўсё такі закрыць завод у сувязі са шматлікімі парушэннямі. Улады дзейніч... Болей...
Як мінімум пяць соцень чалавек неабходна пратэстоўцам супраць акумулятарнага завода для правядзення якаснай парламенцкай кампаніі.Яны патрабуюць падтрымкі сярод больш шырокага кола грамадства, каб ісці на выбары, – распавёў адзін з актыўных удзельнікаў акцыі Зміцер Бекалюк: – Гэта будзе, калі мы ўбачым ад людзей падтрымку. Калі падтрымкі не будзе, ніхто вылучаць не будзе, я, дапусцім, вылучаць нікога не буду і выступаць за кагосьці не буду. Навошта рабіць галаслоўныя заявы, пасля якіх ніякіх рухаў цела не будзе. Людзі павінны зразумець, што ў рэшце рэшт яны выбіраюць, а не імі кіруюць.На дадзены момант пратэстоўцы ўжо казалі пра тое, што яны маглі б вылучыць чатырох кандыдатаў на парламенцкую кампанію. Але фармаванне ініцыятыўных груп яшчэ не пачыналася. Беларускае Радыё Рацыя,... Болей...
„Эгіда” – найстарэйшая беларуская грамадская арганізацыя, што змагаецца з праблемай беспрытульнасці сабак і катоў. Акцыя „Дарога дадому” у Менску – ужо 48-я ад 2007 году.Што паказальна, у сезон адпачынкаў у выходны дзень наведнікаў на акцыі было больш чым дастаткова. Распавядае кіраўніца „Эгіды” Вераніка Ханцэвіч:
– З гэтай акцыі з’ехалі дамоў 9-ць катоў і 6-ць сабак – 15-ць жывёл. Дастаткова вялікая колькасць людзей станоўча рэагуе на нашы акцыі. Вялікая колькасць людзей прыязджала не толькі тых, хто хацеў узяць жывёл, а і тых, хто хацеў аказаць нейкую дапамогу. Людзі прывозілі корм, амуніцыю ў намёт дапамогі, даведваліся як можна стаць валанцёрамі.Паводле Веранікі Ханцэвіч, у хуткім часе плануецца прыняць змены ў заканада... Болей...
Сродкі на дапамогу пацярпелай актывістцы Марыі Галалюк збіралі падчас акцыі пратэсту ў Берасці. Удзельнікі акцыі заклікалі аказаць фінансавую дапамогу ўсіх неабыякавых берасцейцаў.Жанчына атрымала зачыненую чэрапна-мазгавую траўму падчас „Свінцовай варты”, – кажа ўдзельнік пратэстаў:
– Даў колькі змог, збіраюць штосьці здаецца. Я лічу, што па маёй не закончаная трохі сітуацыя, не ведаю калі шчыра. Як, што там, ці пададзена заява. Гэту справу можна раскруціць вельмі сур’ёзна і 339 Крымінальнага кодэксу можа там быць.Актывістка Марыя Галалюк адмовілася ад шпіталізацыі, паколькі займаецца хворым дзіцём. Нягледзячы на інцыдэнт „Свінцовая варта” будзе працягнута.
Беларускае Радыё Рацыя, Берасце Болей...
Паўторна падаць дакументы на рэгістрацыю грамадскага аб’яднання збіраюцца ў Берасці актывісты, якія выступаюць супраць будаўніцтва акумулятарнага завода. Пра гэта паведаміў праваабаронца Раман Кісляк.«Пасля адмовы не забаронена паўторна звяртацца і адстойваць свае правы на экалогію», – адзначыў ён:
– Зноў трэба правесці ўстаноўчы сход, павінна прысутнічаць не менш за 10 чалавек. Мы маем права падаць паўторна на рэгістрацыю і гэтым маем намер скарыстацца ў бліжэйшы час. Гэта дасць магчымасць дзейнічаць нашаму экалагічнаму праваабарончаму грамадскаму аб’яднанню і больш эфектыўна прыходзіць да чыноўнікаў і прадстаўляцца грамадскасцю, а не проста актывістамі.Як дадае Раман Кісляк, гэта дасць магчымасць стварыць шырокае, масавае грамадскае аб’яднанне, ... Болей...
Вядомы навуковец, колішні спікер Вярхоўнага Савета прафесар Станіслаў Шушкевіч лічыць ядзерную энергетыку адзіным шанцам Беларусі мець магутную прамысловасць.У інтэрв’ю «Радыё Рацыя» ён пацвердзіў, што застаецца прыхільнікам атамнай электрастанцыі.
– У нас нешта каля чатырох тысяч кілават-гадзін на душу насельніцтва спажывання электраэнергіі. У Нарвегіі – 21 тысяча, у Германіі – 7-8 тысяч. Адзін гэты паказчык гаворыць, што калі мы хочам мець сучасную высокатэхналагічную прамысловасць, мы павінны мець многа электраэнергіі. Іншай крыніцы, чым ядзернае паліва, не знайсці. Я прыхільнік ядзернай энергетыкі.Аднак пры пабудове АЭС неабходна дбаць і пра бяспеку аб’екта. А расейцы, па чыім праекце будуецца станцыя, так і не прадаставілі ніякіх гарантый яе ... Болей...
Аварыя на расейскай Калінінскай АЭС у Цвярской вобласці — гэта кепскі знак для Беларусі, — лічыць каардынатар грамадскай кампаніі „Еўрапейская Беларусь” Яўген Афнагель. На гэтым аб’екце з-за кароткага замыкання былі спынены тры рэактары.Як кажа Яўген Афнагель, у Беларусі ў Астраўцы, на мяжы з Літвой, паблізу ад сталіцы гэтай краіны Вільні, будуецца АЭС па аналагічнаму расейскаму праекту.
– Мы ўсе ведае, як яна будуецца. Мы ведаем, як у нас у краіне адбываюцца будаўнічыя працы, як ставяцца да працы. Крадуць будаўнічыя матэрыялы, як нядбала ставяцца да сваіх абавязкаў, як у нас здараюцца выбухі на салютах, як у нас сходзяць цягнікі з рэек, як у нас будуюць дарогі, якія развальваюцца праз год-паўтара. А атамная электрастанцыя – гэта нашмат больш сур&... Болей...
Актывісты з ліку прадстаўнікоў ініцыятыўнай групы праціўнікаў акумулятарнага завода „АйПаўэр” збіраюцца на сустрэчу ў Берасцейскі аблвыканкам.
„Плануецца, што іх прыме выконваючы абавязкі старшыні”, – паведамляе праваабаронца Раман Кісляк:
– Мы запісаліся на асабісты прыём да старшыні Берасцейскага аблвыканкама па пытанні выканання распараджэння Анатоля Ліса пра прыпыненне будаўніцтва завода “АйПаўэр”. Мы хацелі б абмеркаваць, якім чынам гэта выконваецца. Нам сказалі, што Анатоль Васільевіч паедзе на форум у Санкт-Пецярбург, і нас прыме ягоны намеснік.Сустрэча запланавана на сераду, 17-га ліпеня, а 10-й гадзіны раніцы. „Там назапасіліся пытанні. Ёсць пытанні пра тое як выконваецца, альбо не выконваецца распараджэнне пра прыпыненне бу... Болей...
Запуск беларускай атамнай электрастанцыі стварае галаўны боль будучым пакаленням, бо пытанне ядзерных адкідаў не вырашана нідзе ў свеце.Пра гэта заяўляе сябра рады грамадскага аб’яднання „Экадом” Ірына Сухій. І дадае: акрамя экалагічных праблем ёсць і праблемы палітычныя.
– Беларускае адпрацаванае ядзернае паліва паедзе ў Расею, там яны вымуць карысныя для сябе элементы, у тым ліку і зброевы плутоній. То бок, БелАЭС будзе пацаваць на расейскую атамную бомбу, што мяне вельмі непакоіць і абурае. Гэта расейская тэхналогія, гэта расейскае паліва і гэта расейскі ўплыў.Адкрыццё атамнай станцыі – гэта дадатковая пагроза нашаму суверэнітэту, упэўнена Ірына Сухій. Кася Манюк, Беларускае Радыё Рацыя Фота TUT.BY
Адкрыццё атамнай станцыі – гэта дадатковая пагроза ... Болей...
This page was loaded Sep 19th 2019, 9:12 am GMT.